ქუთაისის საერთაშორისო უნივერსიტეტში KIU-ს მათემატიკისა და კომპიუტერული მეცნიერების სკოლის წლის შემაჯამებელი ღონისძიება გაიმართა. ღონისძიების ფარგლებში გამოვლინდნენ და, შესაბამისი სერტიფიკატებითა და უნივერსიტეტის მიერ დაწესებული პრიზებით, დაჯილდოვდნენ KIU ვიზუალური მათემატიკის ფესტივალის 2022-ის (KIU Visual Math Fest 2022) გამარჯვებული გუნდები. ასევე სერტიფიკატები გადაეცათ ამავე სკოლის იმ წარმატებულ სტუდენტებსაც, რომლებიც 2021-2022 აკადემიური წლის განმავლობაში ჩართულნი იყვნენ სხვადასხვა ექსტრა კურიკულურ აქტივობაში Extra Curricular Academic Service (ECAS) ან მონაწილეობდნენ მათემატიკის/კომპიუტერული მეცნიერების ზამთრისა და ზაფხულის სკოლებში. სტუდენტებს საჩუქრები და სერტიფიკატები საზეიმო ვითარებაში გადასცეს ქუთაისის მერმა იოსებ ხახალეიშვილმა, ქუთაისის საერთაშორისო უნივერსიტეტის რექტორმა ალექსანდრე თევზაძემ, KIU-ს კანცლერმა მაგდა მაღრაძემ, მათემატიკისა და კომპიუტერული მეცნიერების პროგრამების ხელმძღვანელმა რამაზ ბოჭორიშვილმა.
KIU Visual Math Fest 2022-ის ფარგლებში 4 გამარჯვებული გუნდი/პროექტი გამოვლინდა:
I ადგილზე გასული გუნდები და სტუდენტები:
ვექტორული ხელოვნება ფურიეს სერიებით/Vectorial Art with Fourier Series
გუნდის წევრები:
ნიკოლოზ გირგვლიანი
ნიკა კოღუაშვილი
ლუკა გოგოლაძე
ამ სამყაროს გარეთ/Out Of This World
გუნდის ლიდერი: მარიამ მამაგეიშვილი
გუნდის წევრები:
მარიამ შონია
გიგი ჯიშკარიანი
ანანო თამარაშვილი
გიგა სამხარაძე
II ადგილზე გასული გუნდი და სტუდენტები:
თამაშები და მათი თეორიები/Games and Their Theories
გუნდის ლიდერი: ალექსანდრე ონიანი
გუნდის წევრი: ნიკოლოზ ფანქველაშვილი
III ადგილზე გასული გუნდი და სტუდენტები:
ფრაქტალები, მანდელბროტისა და ჯულიას სიმრავლეები/Fractals, Mandelbrot and Julia Sets, Mandelbulb
გუნდის ლიდერი: მიხეილ ძულიაშვილი
გუნდის წევრები:
ლუკა გორგაძე
დემეტრე შონია
ზუკა კენჭუაშვილი
ღონისძიების ფარგლებში გამოცხადა KIU Visual Math Fest 2023 და KIU π-Day Math Contest 2023 I კურსის სტუდენტებისთვის.