ხუთშაბათს, 1 მაისს, 15:00 საათზე, ქუთაისის საერთაშორისო უნივერსიტეტში KIU-ს საბავშვო უნივერსიტეტის ფარგლებში მორიგი საჯარო ლექცია გაიმართება. ლექციას თემაზე – "მაქსიმუმი და მინიმუმი გეომეტრიაში" - წაიკითხავს ქუთაისის საერთაშორისო უნივერსიტეტის მათემატიკისა და კომპიუტერული მეცნიერებების სკოლების ასოცირებული პროფესორი გიორგი ჭელიძე.
აღნიშნული ლექცია იმერეთის რეგიონის მე-9 - მე-12 კლასების მოსწავლეებისთვის არის განკუთვნილი.
KIU-ს საბავშვო უნივერსიტეტი მიზნად ისახავს სხვადასხვა შემეცნებით თემაზე საჯარო ლექციების ჩატარებას. სალექციო კურსებს კითხულობენ როგორც KIU-ს პროფესორ-მასწავლებლები, ისე მოწვეული ლექტორები.
აღსანიშნავია, რომ პროექტის სამიზნე აუდიტორია გაფართოვდა. აქამდე KIU-ს საბავშვო უნივერსიტეტში ჩართვა მხოლოდ იმერეთის, სამეგრელო-ზემო სვანეთისა და გურიის რეგიონების სკოლების მე-9 - მე-12 კლასების მოსწავლეებისთვის იყო შესაძლებელი, ახლა კი, საბავშვო უნივერსიტეტის საჯარო ლექციების მოსმენა აჭარის რეგიონების სკოლების მოსწავლეებსაც შეუძლიათ.
რეგისტრაცია სამშაბათს, 29 აპრილს, 12:00 საათზე დაიწყება. ადგილების რაოდენობა შეზღუდულია.
რეგისტრაციის გავლა შესაძლებელია მუნიციპალიტეტების მიხედვით, შემდეგ ბმულებზე:
ქუთაისი
ბაღდათი
ვანი
ზესტაფონი
თერჯოლა
სამტრედია
საჩხერე
ტყიბული
წყალტუბო
ჭიათურა
ხარაგაული
ხონი
აღსანიშნავია, რომ KIU-ს საბავშვო უნივერსიტეტი ყოველ ჯერზე განსაკუთრებულ ინტერესს იწვევს სკოლის მოსწავლეებში. პროექტის ფარგლებში, უკვე ჩატარდა არაერთი საჯარო ლექცია სხვადასხვა თემაზე. ახალგაზრდები ყოველთვის დადებით უკუკავშირს აზიარებენ ლექციების მიმართ.
