TUM International GmbH (TUMint) არის მიუნხენის ტექნიკური უნივერსიტეტის შვილობილი კომპანია და ერთმანეთთან ინტეგრირებული მეცნიერებისა და ინდუსტრიული კლასტერების განვითარების, კოორდინაციისა და მართვის წამყვანი მიმწოდებელი. TUMint ტექნოლოგიების ტრანსფერისა და ტალანტების მართვის პროგრამების მეშვეობით ერთად კრებს საერთაშორისო პარტნიორებს კვლევის, პოლიტიკისა და ინდუსტრიის სფეროებიდან.

 
TUMint-მა ხელი შეუწყო ქუთაისის საერთაშორისო უნივერსიტეტს კამპუსის, მენეჯმენტის სტრუქტურის, სტრატეგიების ტრანსფერისა და საგანმანათლებლო პროგრამების განვითარების მიმართულებით. 2020 წელს TUMint-მა საქართველოში გახსნა ადგილობრივი წარმომადგენლობა, რათა მომავალში უფრო მეტად გაძლიერდეს მისი თანამშრომლობა უნივერსიტეტთან. აღნიშნული პარტნიორობის ფარგლებში TUMint ქუთაისის საერთაშორისო უნივერსიტეტთან ერთად იმუშავებს შემდეგი მიმართულებებით, როგორიცაა: სტრატეგიის განვითარება, საგანმანათლებლო პროგრამების საერთაშორისო აკრედიტაცია, ბიბლიოთეკის განვითარება და სასწავლო მართვის სისტემები.

TUMint-ის საქართველოს წარმომადგენლობა გახდება საქართველოსა და გერმანიას შორის აკადემიურ-ინდუსტრიული თანამშრომლობის მნიშვნელოვანი პლატფორმა. ის ხელს შეუწყობს  ქუთაისის საერთაშორისო უნივერსიტეტის კამპუსს განვითარდეს როგორც ინოვაციებისა და მეწარმეობის საერთაშორისო ეკოსისტემა. 2021 წელს დაგეგმილია მიუნხენის ტექნიკური უნივერსიტეტის გლობალური განვითარების საბჭოსა და ერთობლივი ინდუსტრიული საბჭოს შექმნა. წარმომადგენლობა ასევე კოორდინირებას უწევს მიუნხენის ტექნიკური უნივერსიტეტის მეცნიერებისა და პროფესორების ვიზიტებს ქუთაისის საერთაშორისო უნივერსიტეტში და ხელს უწყობს უნივერსიტეტის აუთრიჩ აქტივობებს ეროვნულ და საერთაშორისო დონეზე. ქუთაისის საერთაშორისო უნივერსიტეტი, როგორც მიუნხენის ტექნიკური უნივერსიტეტის მოდელზე დაფუძნებული უმაღლესი საგანმანათლებლო დაწესებულება, უზრუნველყოფს ძლიერი პარტნიორობების დამყარებას ადგილობრივ და საერთაშორისო კომპანიებთან, რათა მოხდეს განათლების, ინოვაციებისა და შრომის ბაზრის ერთმანეთთან დაკავშირება.

ბმულები: https://www.tum-international.com/en/
                 https://www.tum.de/en/